इनरुवा । सुनसरीको कोशी गाउँपालिकास्थित जुद्धगञ्जमा भएको आगलागीमा ९ घर जलेको छ । लागलागीका कारण २३ लाख ४१ हजार बराबरको क्षति भएको प्रारम्भिक अनुमान गरिएको छ ।
रुख काट्ने क्रममा बिजुलीको तार सर्ट भई आगो सल्केको बताइएको छ । रहमान मन्सुरीको घरमा लागेको आगो हावाहुरीका कारण फैलिंदा अन्य ८ परिवारको घर समेत जलेको छ ।
आगलागीका कारण ललित मिया, सलिम मिया, फिरोज मिया, फरोज मिया, मलिम मिया, कलाम मिया, ऐजुक र कैजुम मन्सुरीको घर जलेर पूर्ण रुपमा क्षति भएको जिल्ला प्रहरी कार्यालय सुनसरीले जनाएको छ ।
इनरुवा, इटहरी र दुहवीको बारुण यन्त्रको सहयोगमा सुरक्षाकर्मी सहित स्थानीयले आगो नियन्त्रणमा लिएका थिए ।
न्युज २४