विराटनगर । नेपाली सिने क्षेत्रकी सफल निर्देशक तथा निर्माता दिपाश्री निरौलाले सुपर मोडलका प्रतिस्प्रधीसँग आफ्ना जीवनका सघर्षका ‘अनुभव सेयर’ गरेकी छिन् ।
छैठौ संस्करणको मिस पुर्वेली सुपर मोडल २०१७ का प्रतिस्प्रधिसंग बिहीबार दिपाले आफ्नो जीवनमा २५ वर्ष देखी भोगेका दुःख, सुःख का अनुभव साटासाट गरेकी हुन् । साथै उनले व्यत्तित्व विकास तथा पब्लीक स्पिीकिङ्ग, मोडलिङमा आई पर्ने चुनौतीका बारेमा पनि प्रशिक्षण दिईन् ।
विराटनगरको हाटखोला स्थित फन एण्ड फुड रिर्सोटमा जारी बन्द प्रशिक्षण तालिममा दिपाले प्रतिस्प्रधीहरुसंग अभिनयकाबारेमा पनि प्रशिक्षण दिएकी थिईन् । दिपाले निर्देशन गरेको चलचित्र छक्का पन्जा नेपाली सिने उद्योगमा सबै भन्दा हिट भएको छ ।
बन्द प्रशिक्षणमा पुर्वका १४ जना किशोरी रहेको ए–वान इन्टरटेनटमेन्टका चेयरपर्सन निराजन लुईटेलले जानकारी दिए । उनका अनुसार आगामी फागुन दोस्रो साता प्रतियोगिताको फाईनल हुँदैछ ।
बन्द प्रशिक्षणका क्रममा किशोरी कार्की, एश्वर्या खड्काले गीत र अभिनय गरेर दिपा सामु कला प्रस्तुत गरेका थिए ।