धनकुटा। राष्ट्रिय वाणिज्य बैंक धनकुटा शाखाले एटिएम सेवा सुरु गरेको छ । एटीएम सेवा सञ्चालन भएपछि धनकुटा शाखामा रहेका करिव १२ हजार खातावालालाई खाताबाट पैसा निकाल्न सहज हुने बैंकले जनाएको छ ।
धनकुटामा राष्ट्रिय वाणिज्य बैंकको यो पहिलो एटीएम हो । धनकुटा बजारमा यसअघि माछापुच्छ«े बैंकको मात्र एटीएम सेवा सञ्चालित थियो ।
Advertisement
पूर्वाञ्चलमा राष्ट्रिय बाणिज्य बैंकको पहिलो शाखाको रुपमा २०२३ सालमा स्थापना भएको धनकुटा शाखाले स्थापनाको ५१ बर्षपछि पहिलो पटक एटीएम सेवा सञ्चालनमा ल्याएको हो ।
एटीएम सेवा नहुँदा बैंक खाताबाट पैसा निकाल्नका लागि आईतबारदेखि बिहिबारसम्म १० देखि ३ बजे र शुक्रवार १० देखि १२ बजे भित्र काम सक्नुपर्ने बाध्यता थियो ।
तर, अव सुरुवाती चरणमा बिहान ८ देखि बेलुका ८ बजेसम्म एटीएम सेवा प्रदान गरिने र केही समयपछि २४ सै घण्टा सेवा सुचारु हुने राष्ट्रिय बाणिज्य बैंक धनकुटा शाखाका प्रवन्धक राजेन्द्र पौडेलले जानकारी दिए ।
