काठमाडौं । कांग्रेस सभापति शेरबहादुर देउवा मंगलवार प्रधानमन्त्रीमा निर्वाचित भएपछि बुधवार राष्ट्रपति बिद्यादेवी भण्डारीले देउवासहित मन्त्रीहरुलाई शपथ ग्रहण गराईन ।
राष्ट्रपति भवन सितल निवासमा आयोजित शपथ ग्रहण कार्यक्रममा प्रधानमन्त्री देउवाले सपथ लिएसँगै उप–प्रधान र मन्त्रीहरुको सपथ ग्रहण गर्ने पालो आयो ।
Advertisement
शपथ ग्रहण गर्ने मन्त्रीहरुको लाइनमा ज्ञानेन्द्रबहादुर कार्की पनि थिए । उनलाई राष्ट्रपति भण्डारीले अर्थमन्त्रीको रुपमा शपथ ग्रहण गराईन । राष्ट्रपति भण्डारीबाट कार्कीले शपथ लिदै गरेको दृश्य धेरैका लागि सामान्य थियो । तर, उनीहरुको भित्री नाता बुझ्नेहरुका लागि रोचक थियो ।
किनकी, राष्ट्रपति भण्डारीबाट शपथ ग्रहण गर्ने कार्की मन्त्री मात्र नभएर स्वयं राष्ट्रपतिका नाताले दाईसमेत हुन । राष्ट्रपति भण्डारी मामाकी छोरी हुन् भने अर्थमन्त्री कार्की फुपुका छोरा हुन् । भण्डारीका बुबा रामबहादुर पाण्डे र कार्कीकी आमा अम्बिका कार्की दिदी–भाइ हुन् ।
राजनीतिको दुई ध्रुवमा रहेका उनिहरुबीच बुधबार भने विरलै जुर्ने संयोग मिलेको हो । भण्डारीले देशको सर्वाेच्च पदमा रहेर सपथ खुवाईन भने कार्कीले देशको ढुकुटीको चाबी लिएर अर्थ मन्त्रीको रुपमा सपथ लिएका हुन ।
सपथ ग्रहणका थप तस्वीरहरु हेर्नुहोस्
