न्यूनदृष्टियुक्तको क्रिकेट प्रतियोगिता सञ्चालन हुँदै

विराटनगर, ३ मङ्सिर । नेत्रहीन क्रिकेट सङ्घ नेपालले शहीद रङ्गशालामा ‘प्रथम रोनाल्ड म्यकुली कप’ सञ्चालन गर्ने भएको छ । प्रतियोगिता यही मङ्सिर ५ दखि ८ गतेसम्म सञ्चालन हुनेछ ।

प्रतियोगितामा म्याग्दी, झापा, बर्दिया र त्रिभुवन आर्मी क्लब सहभागी हुने सङ्घका केन्द्रीय अध्यक्ष पवन घिमिरेले आज यहाँ पत्रकार सम्मेलनमा जानकारी दिनुभयो । विश्व नेत्रहीन क्रिकेट परिष्दको न्यूनदृष्टियुक्त क्रिकेट खेल नियमानुसार टि–२० ढाँचामा खेल खेलाइनेछ ।

यस वर्र्षदेखि शुरु हुन लागेको सो प्रतियोगितामा ६० खेलाडीले भाग लिने बताइएको छ । प्रतियोगिताको उद्घाटन खेल झापा र बर्दियाबीच हुने कार्यक्रम तय भएको छ ।