संगालोखबर संवाददाता 
ताप्लेजुङ, १० भदौ । ताप्लेजुङमा शुक्रबारदेखि जारी तेस्रो पाथीभरा गोल्डकपअन्तर्गत आज भएको तेस्रो खेलमा रेडस्टार क्लब झापा विजयी भएको छ ।
Advertisement
रेडहर्स क्लब इलामलाई २–१ गोल अन्तरले पराजित गर्दै झापा विजयी भएको हो । खेलको दोस्रो हाफको ११औँ मिनेटमा झापाका तर्फबाट मार्टिनले गोल गरेका थिए भने लगत्तै १५औँ मिनेटमा ग्लोरीले दोस्रो गोल गरेका थिए । दुई विदेशी खेलाडीले गरेको गोल नै झापाको जितका लागि सहज बन्यो ।
यता अतिरिक्त दुई मिनेटको समयमा पेनाल्टीमार्फत रेडहर्सले एक गोल मात्र फर्काउन सक्यो । अतिरिक्त समयमा झापाका विकास राईले फल्ड गरेर रेडकार्ड पाएपछि इलामले पेनाल्टीको मौका पाएको थियो । पेनाल्टीमार्फत जर्सी नं ९ का खेलाडी सञ्जय धिमालले गोल गरेका हुन् ।
यसैबीच सोमबारको खेलमा शनिबारको विजेता कर्णसिंह सोनाम स्मृति क्लब ताप्लेजुङ र न्यूस्टार क्लब विर्तामोडबीच प्रतिस्पर्धा हुने आयोजकले बताएको छ । शनिबार भएको खेलमा फिदिम स्पोर्टिङ क्लब पाँचथरलाई ३–० गोलअन्तरले पराजीत गर्दै कर्णसिंह सोनाम स्मृति क्लब ताप्लेजुङ विजयी भएको थियो ।
लाखेजात्रा खेल सञ्चालन समितिको आयोजनामा सदरमुकाम फुङ्लिङस्थित भानु जन माविको खेल मैदानमा जारी प्रतियोगितामा भारत र काठमाडाँैका समेत गरी १० टोली सहभागी छन् । प्रतियोगिताको विजेताले रु तीन लाख एक हजार १११ र उपविजेताले रु एक लाख ५१ हजार १११ नगदसहित ट्रफी पाउने छन् ।
खेलकूदको माध्ययमबाट पूर्वकै प्रसिद्ध तीर्थस्थल पाथीभरा मन्दिरको प्रचारप्रसार गरी जिल्लाको पर्यटन प्रवद्र्धनमा सहयोग पु¥याउने उद्देश्यले प्रतियोगिता आयोजना गरिएको आयोजकले बताएको छ ।
लाखेजात्राको अवसरमा २०२९ सालदेखि प्रत्येक वर्ष खेल हुँदै आए पनि २०७४ सालदेखि नाम परिवर्तन गरेर पाथीभरा गोल्डकप बनाइएको हो । यही भदौ ८ गतेदेखि शुरु भएको उक्त प्रतियोगिता भदौ १६ गतेसम्म जारी रहनेछ । ९तस्बीर पनि उपलब्ध छ ।
