भक्तपुर, १७ साउन । राष्ट्रिय परीक्षा बोर्ड सानोथिमिले कक्षा १२ को नियमित तथा आंशिकतर्फका परीक्षार्थीको परीक्षाफल सार्वजनिक गरेको छ ।
परीक्षामा नियमिततर्फ दुई लाख ९९ हजार ६७५ परीक्षार्थी सहभागी भएकामा ३।६१ देखि ४ सम्म ल्याउने एक हजार १६९, ३।२१ देखि ३।६० ल्याउने ११ हजार २२१, २।८१ देखि ३।२० ल्याउने २७ हजार ६४३, २।४१ देखि २।८० ल्याउने ५८ हजार ३४५, २।१ देखि २।४० ल्याउने ९० हजार २९९, १।६१ देखि २ ल्याउने ६६ हजार ४३८, १।२१ देखि १।६० ल्याउने २२ हजार ७३४, ०।८१ देखि १।२० ल्याउने चार हजार ४८७, ०।०० देखि ०।८० ल्याउने १९९ जना छन् ।
Advertisement
त्यस्तै परीक्षामा कुनै एक विषयमा अनुपस्थित रहेका १७ हजार ४० विद्यार्थी छन् । त्यसैगरी आंशिकतर्फ एक लाख १७ हजार ४१४ परीक्षार्थी सहभागी रहेकामा ४१ हजार ३२५ अर्थात् ३५।२ प्रतिशत परीक्षार्थी उत्तीर्ण भएको बोर्डका उपाध्यक्ष चन्द्रमणि पौडेलले जानकारी दिए ।
नतिजा राष्ट्रिय परीक्षा बोर्डको वेबसाइट, नेपाल टेलिकमको वेबसाइट, neb.edusanjal.com लगायतका वेबसाइटमा हेर्न सकिन्छ। १६०० मा एसएमएस गरेर पनि नतिजा थाहा पाउन सकिन्छ।
