संगालोखबर सम्वाददाता 
धनकुटा, २९ जेठ । आधुनिक खेतीप्रणाली विकास गर्न धनकुटा नगरपालिकाले किसानलाई अनुदानमा मिनीटिलर वितरण गरेको छ । नगर क्षेत्रका किसानको समूहलाई कार्यालयमा बोलाएर सातवटा मिनीटिलर बितरण गरिएको हो ।
Advertisement
नगरपालिकाको ८३ प्रतिशत अनुदान र स्थानीय कृषक समूहको लगानीमा नगरका सातवटा कृषि समूहलाई प्रतिगोटा ७३ हजार मूल्य पर्ने पाँच लाख ११ हजार बराबरका टिलर दिईएको हो ।
गोरुले जोतेर गरिने कृषि प्रणालिले जीविकोपार्जनमै समस्या भईरहेकाले आधुनिक प्रणालिको बिकास गर्न अनुदानमा मिनीटिलर बितरण गरिएको नगर प्रमुख चिन्तन तामाङले बताए ।
उनका अनुसार आगामी पाँच वर्ष भित्रमा गोरु पाल्ने किसानलाई मिनीटिलरबाट नै जोत्ने व्यवस्था गर्ने योजना अघि सारिएको छ ।
कृषि क्षेत्रमा ५० लाख बजेट विनियोजन गरेर थप आधुनिक कृषि उपकरण वितरण गर्ने योजना रहेको धनकुटा नगरपालिकाले जनाएको छ ।
