महाभारतमा पाण्डवले द्रौपदीलाई जुवामा हारेको कहानी त सुन्नुभएको होला । अब यो कहानी वास्तविक जीवनमा पनि घटित भएको छ ।
Advertisement
भारतको ओडिशास्थित बालासोरमा एक व्यक्तिले श्रीमतीलाई जुवामा दाउ लगाए र हारे पनि । पछि जित्ने व्यक्तिले कथित रुपमा उनको बलात्कार गरेको बताइएको छ । साथै, पीडित महिलाका अनुसार श्रीमानले उनलाई बचाउनुको साटो आरोपीको मद्दत गरे ।
ओडिशाको बालासोरमा ३५ वर्षीया महिलाले पुलिस थानामा गत मे २३ तारिखमा आफू बलात्कृत भएको मुद्दा दर्ता गरिन् । आरोपीले श्रीमानको सहमतीमा उनको बलात्कार गरेको जानकारी दिइन् । पीडित महिला दुई सन्तानकी आमासमेत हुन् ।
छिमेकीले पनि गरे पुष्टिः
अफिसर इन्चार्ज के.एस. पढीले भने, ‘बालिकुट गाउँमा बस्ने यी महिलाले आरोपपत्र दर्ता गर्दै आफ्नो इज्जत बचाउने कोसिस गर्दा श्रीमानले उनको मुख बन्द गरिदिएको बताएकी छिन् । ’
छिमेकीले पनि ती महिलाका श्रीमानलाई जुवाको लत बसेको र उनले जुवामा श्रीमतीलाई दाउमा लगाएर हारेको पुष्टि गरे ।
पढीका अनुसार मे २८ तारिखमा ती महिला अचानक आफ्ना श्रीमान् र केही छिमेकीसँग पुलिस स्टेशन पुगिन् र लिखित रुपमा आफ्नो आरोपीसँग सम्झौता भएकाले उजुरी फिर्ता लिन चाहेको बताइन् । यद्यपी, त्यसको भोलीपल्टै उनले आफ्नो बयान परिवर्तन गर्दै उक्त मामलामा एफआरआई दर्ता गराइन् । अब पुलिसले यसबारे अनुसन्धान गरिरहेको छ ।
