सिधुवा । धनकुटाको सिधुवा बजारमा बुधवार खुल्ला नृत्य प्रतियोगिता आयोजना गरिएको छ । २५६१ औं बुद्ध जयन्तीको अवसर पारेर सिंहदेवी यूथ क्लव सिधुवाले नृत्य प्रतियोगिता आयोजना गरेको हो ।
Advertisement
प्रतियोगितामा लालिगुराँस डान्स सेन्टर बसन्तपुर प्रथम, संगीत समाज सेवा युवा क्लव द्वितीय र दीपज्योती जनजागरण युवा क्लव मजुवा तृतीय भएको प्रतियोगिताका निर्णायक सरोज भुजेलले जानकारी दिए । प्रथम, द्वितीय र तृतीय हुने टिमले क्रमस ५ हजार, ३ हजार र २ हजारसहित ट्रफी र प्रमाणपत्र पाएका छन ।
प्रतियोगिताका बिजयी टिमलाई छथर गाउँपालिकाका प्रतिनिधी निल बहादुर थापा, कार्यक्रमका अध्यक्ष मेघेन्द्र गुरुङ्ग लगायतले पुरस्कार बितरण गरेका थिए । निगाले सिमेन्ट प्रा.लि., सुलभ बचत तथा ऋण सहकारी सस्था र काफ्ले सप्लायर्सले प्रायोजन गरेको प्रतियोगितामा ७ टिम वीच प्रतिष्प्रधा भएको थियो ।
प्रतियोगिताका तस्वीरहरु हेर्नुहोस्…
तस्वीरहरु: संगालोखबर
