धनगढी, १३ जेठ । धनगढी उपहानगरपालिका–१ मा ९ लाख लुटपाट भएको छ । उपहानगरपालिकाको मेनरोडमै गोली हानेर यस्तो लुटपाट भएको हो ।
Advertisement
आईएमईबाट रकम लिएर बैंकमा जम्मा गर्न जाने क्रममा धनगढी-३ बस्ने ३७ वर्षीय निर्मल कार्कीमाथि गोली प्रहार गरेर लुटपाट गरिएको हो ।
बा ४० प ४४३८ नम्बरको मोटरसाइकलमा आएका दुई व्यक्तिले गाेली प्रहार गरी उनको साथमा रहेको रकम लुटेर भागेकाे प्रत्यक्षदर्शीले बताएका छन् ।
छाती र पाखुरामा २ गोली लागेर घाइते कार्कीको सेती अञ्चल अस्पतालमा उपचार भइरहेको छ । गोली शरीरमै रहेकाले थप उपचारका लागि बाहिर लैजाने तयारी गरिएको छ ।
गोली हान्नेको खोजी भइरहेको प्रहरीले जनाएको छ ।
