धनकुटा । धनकुटाका बिभिन्न स्थानमा आज बर्षा र हावाहुरीसँगै परेको चट्याङले आठ जना घाइते भएका छन् । चट्याङका कारण खाल्सा छिन्ताङ सहीदभूमी गाउँपालिकामा र चौबिसे गाउँपालिकामा चार/चार जना घाईते भएका हुन ।
Advertisement
चट्याङ लागेर खाल्सा छिन्ताङ सहिदभूमी गाउ‘पालिका–७ का २६ बर्षीय डगेन्द्र राई, २५ बर्षीया मन्दिरा राई र २ बर्षीय अभिषेक राई गम्भीर घाइते भएको धनकुटाका प्रहरी उपरीक्षक सुदिप राजभण्डारीले जानकारी दिनुभयो ।
गंभीर घाईते तीनै जनाको धरान स्थित वीपी कोईराला स्वास्थ्य बिज्ञान प्रतिष्ठानमा उपचार भईरहेको छ । त्यसैगरी खाल्सा छिन्ताङ सहिदभूमी गाउ‘पालिका–१ की मिरा राई पनि चट्याङ लागेर घाईते भएकी छन ।
यता चौबिसे गाउँपालिका–३ का अजय लिम्बु, भक्तकुमार लिम्बु र राधिका भण्डारी घाईते भएका छन । इलाका प्रहरी कार्यालय राजारानीमा कार्यरत कार्यालय सहयोगी पासाङ दोर्जी शेर्पा पनि चट्याङ लागेर घाईते भएकी छन ।
घाइतेहरुको स्थानीय स्वास्थ्य चौकिमा उपचार भइरहेको छ । चट्याङ लागेर चौबिसे गाउँपालिका–३ का गंगाबहादुर लिम्बुको एउटा गोरुसमेत मरेको प्रहरीले जनाएको छ ।
