काठमाडौं, २२ वैशाख । प्रधानमन्त्री एवं नेकपा एमालेका अध्यक्ष केपी शर्मा ओलीले कम्युनिष्टहरु कहिल्यैपनि अधिनायकवादी हुनै नसक्ने ठोकुवा गरेका छन् ।
कार्ल माक्र्स जन्म द्विशतवार्षिकीको अवसर पारेर शनिवार एमाले स्थायी कमिटीले राजधानीमा गरेको प्रवचन कार्यक्रममा बोल्दै प्रधानमन्त्री ओलीले यस्तो बताएका हुन् ।
Advertisement
प्रतिक्रियावादीहरुले अधिनायकवादको भ्रम फैलाउने कोशिस गरेपनि कम्युनिष्ट तथा माक्र्सवादीहरु कुनैपनि हालतमा अधिनायकवादी हुनै नसक्ने उनको जिकिर छ ।
मार्कसवाद पूर्णवैज्ञानिक, तथ्यपूर्ण र व्यवस्थित विश्व दृष्टिकोण भएको उनले बताए । फरक प्रसंगमा ओलीले प्राविधिक कारणले आज एमाले र माओवादी केन्द्रबीच पार्टी एकता घोषणा हुन नसकेको प्रष्ट पारे ।
कार्यक्रममा पूर्वप्रधानमन्त्री एवं एमाले वरिष्ठ नेता झलनाथ खनाल, माधवकुमार नेपाल र वरिष्ठ उपाध्यक्ष वामदेव गौतमले नेपालको कम्युनिष्ट आन्दोलनमा माक्स दर्शनको प्रभावका वारेमा चर्चा गरेका थिए ।
कार्यक्रममा सयौं एमाले नेता, कार्यकर्ता र सुभेच्छुक सहभागि थिए ।
थप तस्वीरहरु…
तस्वीरहरु: बिनोद बिष्ट/संगालोखबर
