पत्रकार महासंघ प्रदेश अधिवेशन : यस्तो छ धनकुटाको मत परिणाम

धनकुटा, २२ बैशाख । नेपाल पत्रकार महासंघ प्रदेश अधिवेशन अन्र्तगत धनकुटामा आज भएको निर्वाचनको मत परिणाम सार्वजनिक भएको छ । बिहान ९ देखि अपरान्ह ४ बजेसम्म मतदान भएको थियो ।

अपरान्हबाट सुरु भएको मतगणना सकिएर साँझ मत परिणाम सार्वजनिक गरिएको हो ।

मत परिणाम अनुसार प्रेस युनियन, प्रेस चौतारी र प्रेस सेन्टरको संयुक्त गठबन्धनले निर्वाचन भएका १२ वटै पदमा अग्रता लिएको मुख्य निर्वाचन अधिकृत टंकबहादुर राईले जानकारी दिएका छन् ।

प्रदेश अधिवेशनमा धनकुटाबाट महिला उपाध्यक्षकी उम्मेदवार स्मीता निरौलाले ६१ मत पाएकी छन भने उनका निकटतम प्रतिद्धन्द्धी मनिता चाम्लिङले २१ मत ल्याईन् ।

यता धनकुटाबाट स्वतन्त्र रुपमा समावेशी सचिव पदमा उम्मेदवारी दिएका सन्तवीर लामालाई भने संयुक्त गठबन्धनका बुद्धवीर राईले उछिनेका छन् ।

लामाले ३६ मत ल्याउँदा सोलुखुम्वुका राईले ५१ मत पाएका छन् । धनकुटाबाट दलित सदस्यका उम्मेदवार सन्तोष रुचाल भने निर्विरोध छन् । उक्त पदमा अर्को उम्मेदवारी नपरेकाले रुचाल निर्विरोध भएका हुन् ।