धनकुटा, २१ बैशाख । एमाले निकट विद्यार्थी संगठन अनेरास्ववियूले धनकुटा बहुमुखी क्याम्पसमा २६ वुँदे माग पत्र बुझाएको छ । अनेरास्ववियू धनकुटा बहुमुखी क्याम्पस कमिटी अध्यक्ष नवराज घिमिरे नेतृत्वको टोलीले शैक्षिक सुधारका बिषयमा क्याम्पसमा माग पत्र बुझाएको हो ।
एक हप्ता भित्र माग संबोधन नभए जस्तोसुकै आन्दोलन गर्न पछि नपर्ने अनेरास्ववियूले चेतावनी पनि दिएको छ ।
विद्यार्थीलाई गुणस्तरीय शिक्षा प्रदानका लागि मागपत्र बुझाइएको अनेरास्ववियू क्याम्पस कमिटी अध्यक्ष घिमिरेले संगालोखबरलाई जानकारी दिएका छन् ।
त्रिविद्धारा सञ्चालित डिग्री सेमिस्टरको प्रथम सेमिस्टरमा आवश्यक पाठ्यपुस्तक उपलब्ध गराउनु पर्ने, इलाईब्रेरी चाँडो सञ्चालन गर्नुपर्ने लगायत बुँदा मात्र पत्रमा उल्लेख छन् ।
यता धनकुटा बहुमुखी क्याम्पसका निमित्त क्याम्पस प्रमुख किरण घिमिरेले सबै विद्यार्थी संगठनका प्रतिनिधिसँग छलफल गरी सकेसम्म चाडो माग संबोधन गरिने प्रतिक्रिया दिएका छन् ।
यस्तो छ माग पत्र …