काठमाण्डौं, १९ बैशाख । धनकुटाको सहिदभूमी गाउँपालिकाको थलथलेमा रहेको ठाकुरदेवी माध्यमिक बिद्यालयका पूर्व प्रधानाध्यापक एवं समाजसेवी गोपाल चापागाईको आज निधन भएको छ ।
क्यान्सर रोगबाट पीडित पाख्रीवास नगरपालिका–१० चुङवाङका चापागाईको ६५ बर्षको उमेरमा आज बिहान साँढे सात बजे निधन भएको परिवार स्रोतले जनाएको छ ।
Advertisement
चार बर्षदेखि क्यान्सर रोगबाट पीडित चापागाई भक्तपुर बस्दै आएका थिए ।
४ दशक अध्यापन पेशामा आवद्ध उनी २०५१ देखि ०६८ सालसम्म ठाकुरदेवीको प्रधानाध्यापक थिए ।
सामाजिक काममा क्रियासिल चापागाईले ठाकुरदेवी माविको बिकासमा महत्वपूर्ण योगदान पुर्याएको सहिदभूमी गाउँपालिकाका अध्यक्ष एवं थलथलेका स्थानीय मनोज राईले संगालोखबरलाई बताएका छन् ।
उनको पार्थिव शरिरलाई आजै पशुपति आर्यघाटमा अन्त्येष्टि गरिने बताईएको छ । चापागाईका दुई छोरा र तीन छोरी छन् ।
