- रासस

काठमाडौँ। निर्वाचन आयोले पहिलो चरणमा यही वैशाख ३१ निर्वाचन हुने तीन प्रदेशका ३४ जिल्लाका २८३ स्थानीय तह निर्वाचनको लागि आज भएको उम्मेदवारी मनोनयनपत्र दर्ता शान्तिपूर्ण तथा उत्साहजनरुमा भएको जनाएको छ ।

प्रमुख निर्वाचन आयुक्त डा अयोधीप्रसाद यादवले पहिलो चरणअन्तर्गत आज भएको उम्मेदवारी मनोनयन दर्ता शान्तिपूर्ण र उत्साहजनक रुपमा भएको जानकारी दिनुभयो । प्रमुख राजनीतिक दलले कतिपय स्थानका उम्मेदवारको छनोट अन्तिम समयमा गरेको हुँदा बिहानको तुलनामा अपराह्नपछि मनोनयन स्थलमा निकै चाप बढको थियो । केही स्थानमा राति अवेरसम्म लाम बसेर उम्मेदवारले मनोनयन दर्ता गराएका थिए ।

Advertisement

काठमाडौँ महानगरपालिकासहितका पङ्क्तिबद्ध भएर बसेका मतदाताले मनोनयन दर्ता चुस्त हुन नसकेको जनाउँदै त्यसलाई थप व्यवस्थित तुल्याउन प्रमुख निर्वाचन आयुक्त यादवसँग अनुरोध समेत गरे । उम्मेदवारी दर्ताका लागि बिहान १० बजेदेखि अपराह्न ५ बजेसम्म समय तोकिएको थियो । पहिलो चरणको निर्वाचनबाट ९७ प्रमुख त्यहीकै सङ्ख्यामा उपप्रमुख, १८६ अध्यक्ष र सोही सङ्ख्यामा उपाध्यक्ष चयन हुने छन् ।


उक्त निर्वाचनबाट दुई हजार ५९८ वडाध्यक्ष, सोही सङ्ख्यामा महिला र दलित सदस्य निर्वाचित हुने संवैधानिक प्रावधान रहेको छ ।

काठमाडौँ र ललितपुर जिल्लाको मुख्य निर्वाचन अधिकृतको कार्यालय पुगेर उम्मेदवारी मनोनयन प्रक्रियाको अवलोकनपछि प्रमुख निर्वाचन आयुक्तले निर्वाचनमा देखिएको उत्साहले निर्वाचन आयोगले खुसी र गौरव महसुस गरेको प्रतिक्रिया दिनुभयो ।

थोरै जनसङ्ख्या भएका स्थानीय तहमा भने उम्मेदवारी मनोनयन दर्ता समयमै पूरा भएको आयोगका प्रवक्ता सूर्यप्रसाद शर्माले जानकारी दिनुभयो ।

निर्वाचन कार्यक्रमअनुसार मनोनयनपत्र दर्ता भएको उम्मेदवारको सूची प्रकाशन गर्ने कार्यक्रम आजै रहेपनि कतिपय स्थानमा मनोनयन दर्ता कार्यमा भएको ढिलाइका कारण भोलि बिहानका लागि सारिएको जानकारी प्राप्त भएको छ ।

सत्य, तथ्य र निष्पक्ष खबरका लागि संगालोखबरको फेसवुक पेज लाइक गर्नुस् ।
युटुब च्यानल सब्स्क्राइब गर्नुस् ।
Advertisement

तपाईको प्रतिक्रिया

Advertisement
error: Content is protected !!