काठमाडौं, १५ चैत । अनुसन्धानकर्ताहरुले नेपालमा जलवायु परिवर्तनका कारण मानव स्वास्थ्य जटिल बन्दै गएको चेतावनी दिएका छन् । जलवायु परिवर्तनकै कारण एक वर्ष अघि जाजरकोटलगायतका जिल्लाहरुमा झाडापखालाको महामारी फैलिएको पनि विभिन्न अध्ययन अनुसन्धानले देखाएको छ ।
नेपाल स्वास्थ्य अनुसन्धान परिषदका बरिष्ठ अनुसन्धान अधिकृत डा.मेघनाथ धिमालले जलवायु परिवर्तनकै कारण जाजरकोटमा एक वर्षअघि झाडापखालाको महामारी फैलिएको जानकारी दिए ।
Advertisement
बिहिबारबाट ललितपुरमा सुरु भएको जलवायु परिवर्तन तथा स्वास्थ्य सम्मेलनमा बोल्दै उनले जलवायु परिवर्तनकै कारण हिमाली भेगमा पनि मलेरिया जस्ता लामखुट्टेबाट सर्ने रोगहरु समेत भेटिएको पनि स्पष्ट पारे ।
बरिष्ठ अनुसन्धान अधिकृत धिमालले जलवायु परिवर्तनबाट मानव स्वास्थ्यमा हुने जोखिम न्यूनिकरणका लागि सरकारले राष्ट्रिय अनुकूलन कार्यक्रम नै तय गरेको पनि स्पष्ट पारे । सरकारले जलवायु परिवर्तनबाट स्वास्थ्य जोखिमलाई सम्बोधन गर्न विभिन्न जनचेतनामूलक कार्यक्रम पनि संचालन गर्दै आएको छ ।
