भोजपुर । टयाम्केमैयुङ्ग गाउपालिका वडा नं ६ को कार्यालय भवन निर्माणका लागि स्थानीयले ५ रोपनी ८ आना जग्गा निःशुल्क उपलब्ध गराएका छन । स्थानीय रत्न वहादुर श्रेष्ठले ३ रोपनी, राजकुमार श्रेष्ठले २ रोपनी र नवराज चर्मकारले ८ आना जग्गा निःशुल्क प्रदान गरेका हुन ।
उनीहरुले १२ लाख मुल्य वरावरको जग्गा निशुल्क दिएका हुन् । स्थानीयको भेलाले गाउपालिकाको भवन गुठामा बनाउने निर्णय गरेको छ ।
Advertisement
सविकको कोट गाविसको वडा नं ५,७,८ र ९ का मानिसलाई सहज हुने गरि उक्त ठाउ छानिएको वडा सचिव श्रीराम पण्डितले जानकारी दिए । जग्गा दाताहरुलाई सोही कार्यक्रममा भव्य सम्मान गरिएको छ ।
भोजपुरमा नयाँ संरचना कार्यान्वयन भएपछि वडाको संंरचना विस्तारका लागि पहिलो पटक स्थानीयले निःशुल्क जग्गा प्रदान गरेका हुन ।
जग्गादाताले सो जग्गा वडाको नाममा ३५ दिन भित्र पास गर्ने प्रतिवद्धता जनाएका छन् । भवन नहुँदा स्थानीय रत्न वहादुर श्रेष्ठको घरबाट कार्यालय सञ्चालन भईरहेको छ ।
