Sangalo Khabar धनकुटा, २९ मंसिर । धनकुटालाई प्रादेशिक राजधानी घोषणा गर्न माग गर्दै जिल्लाबासीले चरणबद्ध आन्दोलनका कार्यक्रम घोषणा गरेका छन् । ब्याङ्ग्यात्क रुपमा क्यान्डिल जुलुशदेखि जिल्ला बन्दसम्मका आन्दोलनका कार्यक्रम घोषणा गरिएको हो ।
आन्दोलनका कार्यक्रम अन्र्तगत शनिवार धनकुटा बजारमा क्यान्डिल जुलुश प्रदर्शन गरी बजार बन्द गरिनेछ । प्रादेशिक राजधानीका लागि हरेक हिसावले उपयुक्त रहेको धनकुटालाई सरकारले राजधानी घोषणा गर्न आँखा नदेखेको भन्दै ब्याङ्ग्यात्मक रुपमा क्यान्डिल जुलुश प्रदर्शन गर्न लागिएको हो ।
Advertisement
आईतबार क्षेत्रीय प्रशासन कार्यालयमा धर्ना दिएर प्रधानमन्त्रीलाई ज्ञापनपत्र पठाउँने र सोमबार धनकुटा बन्दको घोषणा गरिएको आन्दोलन संघर्ष मूल समितिका संयोजक उमेश घिमिरेले जानकारी दिएका छन् । उनका अनुसार आवश्यकता अनुसार आन्दोलनका कार्यक्रम थप गरिनेछ ।
यो पनि हेर्नुहोस् …
