डडेल्धुरा, १८ मंसिर । वाम गठबन्धनको तर्फबाट प्रतिनिधिसभा सदस्य उम्मेदवार खगराज भट्ट सवार गाडीलाई लक्षित गरी बम विस्फोट गराइएको छ।
Advertisement
कांग्रेसका सभापति तथा प्रधानमन्त्री शेरबहादुर देउवाका प्रतिस्पर्धी भट्ट सवार म १ च २४१५ नम्बरको गाडी जिल्लाकै भित्री मधेस क्षेत्रबाट सदरमुकाम फर्किने क्रममा बम विस्फोटको निशानामा परेको हो।
सोमबार परशुराम नगरापालिकामा आयोजित चुनावी सभाको कार्यक्रम सकेर जिल्ला सदरमुकाम फर्किने क्रममा आलिताल गाउँपालिका ८ बाख्खोली भन्ने ठाउँमा राति ८ः ३० बजेको विस्फोट भएको जिल्ला प्रहरी कार्यालय डडेल्धुराले जनाएको छ। कसले विस्फोट गराएको हो भन्ने नखुलेको प्रहरीले जनाएको छ।
विस्फोटका कारण गाडीमा क्षति पुगे पनि उम्मेदवार भट्टलगायत सकुशल रहेको जनाइएको छ। गाडीको अगाडिको भाग चर्केको छ। विस्फोटपछि उम्मेदवार भट्टलाई प्रहरीले ‘स्कर्टिङ’ गरी जिल्ला सदरमुकाम ल्याइएको थियो।
