धनकुटा, १७ मंसिर । धनकुटा सदरमुकाममा आईतबार लोकतान्त्रिक गठबन्धनले चुनावी सभा गरेको छ । आसन्न प्रदेश र प्रतिनिधिसभा निर्वाचनलाई लक्षित गरी हुलाकटोल स्थित चुवाको बोट चौकमा चुनावी सभा गरिएको हो ।
सभालाई संबोधन गर्दै लोकतान्त्रिक गठबन्धनका तर्फबाट प्रतिनिधिसभाका उम्मेदवार सुनिलबहादुर थापा, प्रदेशसभाका उम्मेदवार मनोहर नारायण श्रेष्ठ र अर्जुन थापाले जिल्लाको विकासका लागि आफुलाई जिताउँन आग्रह गरे ।
Advertisement
सभामा संघीय समाजवादी फोरमका उपाध्यक्ष रकम चेम्जोङ, राप्रपा प्रजातान्त्रिकका नेता राजेन्द्र गुरुङ, काग्रेस जिल्ला सभापती अग्नी प्रसाद पौडेल लगायतले संबोधन गर्दै लोकतान्त्रिक गठबन्धनलाई जिताउँनुपर्नेमा जोड दिएका छन ।
