धनकुटा, १४ मंसिर । प्रदेश तथा प्रतिनिधिसभा निर्वाचन नजिकिंदै जाँदा वाम गठबन्धनले धनकुटामा चुनावी गतिविधिलाई तिब्रता दिइरहेको छ । यसैक्रममा प्रतिनिधिसभा सदस्यका उम्मेदवार राजेन्द्र राई लगायत नेताको उपस्थितिमा जिल्लाको चानुवा र लेगुवामा चुनावी सभा सम्पन्न भएको छ ।
Advertisement
कार्यक्रमलाई सम्बोधन गर्दै एमाले जिल्ला अध्यक्षसमेत रहेका उम्मेदवार राईले लेगुवाका लालपूर्जा बिहिन वस्तिलाई लालपूर्जा उपलब्ध गराउने प्रतिवद्धता जनाएका छन ।
निर्वाचनपछि बन्ने वाम गठबन्धन नेतृत्वको सरकारले भूमिहिन नागरिकलाई राहत दिने राईको दावी छ ।
महादेव गुठीमा वर्षौदेखि अव्यवस्थित रुपमा बसोबास गर्दै आएका स्थानीयलाई लालपूर्जा वितरण प्रक्रियामा आफु डटेर लाग्ने राईले बताएका छन । लेगुवाको महादेव गुठीको नाममा रहेको हजारौ रोपनी जग्गामा सयौ मानिस बसोबास गर्दै आएका छन ।
