धनकुटा, १२ मंसिर । नेकपा एमाले धनकुटाका अध्यक्ष एवं बाम गठबन्धनको तर्फबाट प्रतिनिधिसभाका उम्मेदवार राजेन्द्र राईले जनतालाई अधिकार र स्वतन्त्रता बाम गठबन्धनले मात्र दिने बताएका छन । मारेककटहरेमा भएको चुनावी अभियानलाई संबोधन गर्दै उम्मेदवार राईले यस्तो बताएका हुन ।
लोकतान्त्रिक शक्तिहरुले जितेमा बोल्न दिने तर, खान नदिने अवस्था सृजना हुँने भन्दै राईले अधिकार र स्वतन्त्रता दुवैका लागि बाम गठबन्धनको जित आवश्यक रहेको दावी गरेका हुन । ‘लोकतान्त्रिकहरुले बोल्न त दिन्छन् तर खाना दिंदैनन् ।’ राईले भने–‘हामी जनतालाई अधिकार र स्वत्रन्त्रता दुबै दिन्छौं ।’
Advertisement
लोकतान्त्रिक गठबन्धनका नेता र उम्मेदवारले जनतालाई भ्रममा पार्ने काम गरेको भन्दै उनले जनतालाई भ्रम छर्ने काम तत्काल बन्द गर्न उनीहरुलाई आग्रह पनि गरेका छन । लोकतान्त्रिक गठबन्धनले जनतालाई अधिकार नदिएकै कारण बाम गठबन्धनले मोर्चाबन्दी गर्नुपरेको राईको भनाई छ ।
माओवादीले जंगलबाट लडाई गरेर र एमालेले खुला संघर्ष गरेर नै वर्तमान संविधानबाट जनताको अधिकार सुनिश्चित भएको बताउँदै राईले अव संबिधानको कार्यान्वयन गरेर जनतालाई अधिकार सम्पन्न गराउँन बाम गठबन्धनमात्र सक्षम रहेको जिकिर गरेका छन ।
