यू–१९ एसिया कप अन्तर्गतको पहिलो खेलमा नेपाल बंगलादेशसँग २ विकेटको झिनो अन्तरले पराजित भएको छ।
Advertisement
वर्षाले प्रभावित खेलमा ४० ओभरमा १ सय ८१ रनको लक्ष्य पाएको बंगलादेशले ८ विकेटको क्षतिमा अन्तिम बल बाँकी रहँदा लक्ष्य भेटायो।
बंगलादेशका लागि मोहम्मद नमिन सेखले ५२ रन जोडे। त्यस्तै होसन दुब्रोले ३३ तथा पिनक घोषले २४ रन बनाए।
नेपालको लागि सन्दीप लामिछाने र कमल सिंह ऐरीले समान २ विकेट लिए भने अनिलकुमार साह, दीपेन्द्र सिंह ऐरी र किशोर महतोले समान १ विकेट हात पारे।
त्यसअघि ४०.१ ओभरमा नेपालले ६ विकेट गुमाएर १६७ रन बनाएको स्थितीमा वर्षाले खेल रोकिएको थियो।
नेपालका लागि भीम सार्कीले सर्बाधिक ४४ रन जोडे। ४० बलको सामना गरेका उनले २ चौका र ३ छक्का प्रहार गरे। यस्तै रोहित कुमार पौडेलले ४० तथा ओपनर आसिफ शेखले ३० रन जोडे। अनिल कुमार शाहले १९ रन बनाए।
७० रन बनाउदा ४ विकेट गुमाएको नेपालका लागि भिम र रोहितले पाँचौ विकेटका लागि ८० बलमा ७९ रनको साझेदारी गर्दै नेपाली पारी उकासेका थिए।
बंगलादेशका लागि नयिम हसनले ३ विकेट लिए।
