सिन्धुली, २० कात्तिक । सिन्धुलीमा गएराती भएको जीप दुर्घटनामा ४ जनाको मृत्यु भएको छ । फिक्कल गाउँपालिका ४ मा बा ७ च ३६९५ बोलेरो जीप दुर्घटना हुँदा ४ जनाको मृत्यु भएको प्रहरीले जनाएको छ ।
Advertisement
जिप्रका सिन्धुलीका प्रहरी उपरीक्षक टिकाबहादुर केसीका अनुसार मृत्यु हुनेमा फिक्कल ४ का ४० वर्षीय अमरबहादुर दर्लामी, अन्दाजी सोही उमेरका रामप्रसाद बराल, ५९ वर्षीय दिलबहादुर र ६० वर्षीय नरबहादुर बलमपाखी रहेका छन् ।
दुर्घटनामा ७ जना घाइते भएको र तीमध्ये एक जनाको राजधानीस्थित विएण्डबी अस्पतालमा उपचार भइरहेको पनि प्रहरीले जनाएको छ ।
उकालोमा ब्रेक फेल भएर सो दुर्घटना भएको बताइएको छ ।
