संगालोखबर 
विराटनगर । विराटनगरको भाटभटेनी सुपरमार्केट असार २७ गतेदेखि पुनः सञ्चालनमा आउने भएको छ । जेनजी आन्दोलनका क्रममा आगजनी हुँदा ध्वस्त भएको भाटभटेनी असार २७ गते शनिबारदेखि सञ्चालनमा आउने भएको हो ।
करिब १० महिनाको पुनर्निर्माणपछि स्टोर सञ्चालनमा आउन लागेको हो । सोमबार स्टोरमा विशेष पूजासमेत गरिएको छ । सो अवसरमा भाटभटेनीकी निर्देशक सावित्री घले गुरुङले पुनर्निर्माणमा अहोरात्र खटिएका करिब ३०० मजदुरलाई नगदसहित सम्मान गरेकी थिइन् ।
Advertisement
जेनजी आन्दोलनका क्रममा भाटभटेनीका देशभर रहेका २८ मध्ये १२ शाखा जलेर नष्ट भएका थिए । जसमध्ये विराटनगर पुनः सञ्चालनमा आउन लागेको आठौँ स्टोर हो ।
१० महिनाअघि भएको आगजनीबाट भाटभटेनीले करिब १० अर्ब ८५ करोड रुपैयाँको क्षति बेहोरेको थियो । हाल अत्याधुनिक सुरक्षा मापदण्ड र नयाँ डिजाइनसहित स्टोरलाई पुनर्निर्माण गरिएको छ ।
