सुनको मूल्य एकैदिन ५ हजार २ सय घट्यो, आज कतिमा हुँदैछ किनबेच ?

विराटनगर । नेपाली बजारमा आज पनि सुनको मूल्य घटेको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला पाँच हजार दुई सय रुपैयाँ घटेको हो ।

आज सुनको मूल्य प्रतितोला दुई लाख ७८ हजार तीन सय रुपैयाँ कायम भएको छ । बुधबार सुन प्रतितोला दुई लाख ८३ हजार पाँच सय रुपैयाँमा कारोबार भएको थियो ।

Advertisement

आज चाँदीको मूल्य प्रतितोला दुई सय ५० रुपैयाँले घटेको छ । आज चाँदी प्रतितोला चार हजार दुई सय ३५ रुपैयाँमा कारोबार भइरहेको छ । बुधबार चाँदी प्रतितोला चार हजार चार सय ८५ रुपैयाँमा कारोबार भएको थियो ।