तीन मुक्तक

पसिनाले भिजाउँदा मरुभूमिमा फल फल्छ
शान्त शहर अहंकारको आगोले जल्छ
सत्ताको लोभमा माउ-बच्चाबीच द्वन्द्व हुँदा
एकतामा उभिएको सान क्षणभरमै ढल्छ
०००००
बुद्धसँग बन्दुक नसाट
सत्य बोल अझै नढाँट
देश बनाउन गएका हौ भने
कर्तव्य भुलेर भ्रामक भाषण नछाँट
००००
कथा भन्न खोजेको कहानी लुकेको छ
गीत गाउन खोजेको घाँटी सुकेको छ
विकास र निकास दिन नसक्ने सत्तारूढ जस्तो
कविता भन्न खोजेको शिर झुकेको छ

Advertisement

तिलक थापा
अरुण गाउँपालिका-७, भोजपुर