काठमाडौं,२४ असोज । नेपाल प्रहरीको लागु औषध नियन्त्रण ब्यूरो कोटेश्वरको टोलीले अवैध लागु औषध अफिम र चरेससहित दुई जनालाई पक्राउ गरेको छ ।
विशेष सूचनाका आधारमा लागु औषध नियन्त्रण ब्यूरोको टोलीले बल्खुबाट धादिङ किरानचोक गाउँपालिका ८ धीरखर्क घर भएका ३६ वर्षीय दर्जबहादुर तामाङ र मकवानपुर राक्सीराग गाउँपालिका २ घर भएका ३६ वर्षीय राजकुमार मोक्तानलाई लागु औषध र नगदसहित पक्राउ गरेको हो ।
Advertisement
प्रहरीले धादिङका तामाङको साथबाट १ किलोग्राम अफिम, १२ किलोग्राम चरेस र दई हजाररुपैयाँ बरामत गरेको छ भने मकवानपुरका मोक्तानको साथबाट १ किलो अफिम, १० किलो चरेस सँगै सात हजार नेपाली र ५८ हजार भारतीय रुपैयाँ बरामद गरेको छ ।
प्रहरी अनुसन्धानबाट तामाङ र मोक्तान लामो समयदेखि लागु औषध कारोबारमा सक्रिय भएको खुलेको छ।
