क्लबहरूको विश्वकप: कहिल्यै नभएको महाकुम्भ !

२०२५ को फिफा क्लब विश्वकपले इतिहासमा पहिलो पटक ३२ टोलीहरूको सहभागिता सुनिश्चित गर्दै फुटबलको नयाँ युगको आरम्भ गरेको छ । अमेरिकामा १४ जुनदेखि १३ जुलाईसम्म आयोजना हुने यो संस्करणले विश्वभरका उत्कृष्ट क्लबहरूलाई एउटै मञ्चमा ल्याउनेछ, जसले प्रतिस्पर्धा र रोमाञ्चकताको नयाँ परिभाषा प्रस्तुत गर्नेछ ।

यस संस्करणको विशेषता भनेको यसको विशालता र विविधता हो, जसमा प्रत्येक महादेशबाट प्रतिनिधित्व गर्ने टोलीहरू समावेश छन् । युरोप, दक्षिण अमेरिका, उत्तर अमेरिका, एसिया, अफ्रिका, ओसियानिया र आयोजक राष्ट्र संयुक्त राज्य अमेरिकाबाट आएका क्लबहरूले यो प्रतियोगितामा प्रतिस्पर्धा गर्नेछन् ।

यो प्रतियोगिता फुटबलप्रेमीहरूको लागि ऐतिहासिक अवसर हुनेछ, जसले विश्वभरका क्लबहरूको स्तर र प्रतिस्पर्धात्मकता देखाउनेछ । कुन टोलीले यो प्रतिष्ठित ट्रफी जित्नेछ, त्यो हेर्नका लागि सम्पूर्ण फुटबल जगत आतुर छ । प्रतियोगिताको समूह चरणको ड्रअउट सार्वजनिक भएको छ । प्रतियोगिताको तयारी अन्तिम चरणमा पुगेको छ ।

यो प्रतियोगिता फुटबलप्रेमीका लागि विशेष आकर्षणको विषय बनेको छ । यो संस्करणको विश्वकपमा ३२ टोलीहरूलाई आठ समूहमा विभाजन गरिएको छ । प्रत्येक समूहको शीर्ष दुई टोलीले नकआउट चरणमा प्रवेश गर्नेछन् । सम्पूर्ण प्रतियोगिता ६३ म्याचमा सम्पन्न हुनेछ ।

यस वर्षको पुरस्कार १ अर्ब अमेरिकी डलर छ । जसले प्रतियोगिताको महत्वलाई थप बढाएको छ । यो प्रतियोगितालाई फुटबलको भविष्य र क्लबहरूको अन्तर्राष्ट्रिय प्रतिस्पर्धाको नयाँ युगको सुरुआतको रूपमा हेरिएको छ ।