धनकुटा, ५ असोज । सामान्य प्रशासन मन्त्री टेकबहादुर बस्नेतले पर्याप्त कर्मचारी नभएका कारण स्थानीय तहको सेवा प्रवाहमा कठिनाई भएको बताएका छन ।
प्रेस सेन्टरले बिहिबार धनकुटाको सुरभी होटलमा आयोजना गरेको पत्रकार सम्मेलनमा बोल्दै मन्त्री बस्नेतले यस्तो बताएका हुन । स्थानीय तहका लागि कम्तिमा १६ हजार कर्मचारी आवश्यक पर्ने भएपनि नौ हजार मात्रले काम चलाउँनुपरेको उल्लेख गरे ।
कर्मचारी अभावकै कारण स्थानीय तहबाट पाउने सेवा सुबिधा नपाउँदा ग्रामिण क्षेत्रका जनताले परिवर्तन महसुस गर्न नपाएको उनको भनाई छ ।
कर्मचारीलाई निर्देशन
सामान्य प्रशासन मन्त्रालयले सवै कर्मचारीलाई समान हिसावले कार्यक्षेत्र बिभाजन गरेकाले आनाकानी नगरी तोकेको स्थानमा गएर काम गर्न मन्त्री बस्नेतले कर्मचारीहरुलाई निर्देशन पनि दिएका छन ।
‘हामीले कुनै पनि कर्मचारीलाई भेदभाव नगरी समान हिसावले खटाएका छौ ।’ मन्त्री बस्नेतले भने ‘काम गर्ने वातावरण भएन भन्ने वाहनामा सेवा प्रवाहमा समस्या सृजना हुँनु हुँदैन ।’
