धनुषामा ७० प्रतिशतभन्दा बढी मतदान

जनकपुर, २ असोज । धनुषामा ७० प्रतिशत भन्दा बढी मत खसेको छ । विहान ७ बजेदेखि अपराहन्न ५ बजेसम्म भएको मतदान प्रक्रियामा ७० देखि ७५ प्रतिशतसम्म मतदान भएको हुन सक्ने धनुषाका मुख्य निर्वाचन आयुक्त राधाकृष्ण उप्रेतीले जानकारी दिनुभयो ।

Advertisement

अपराहन्न ५ बजेबाट मतदान प्रक्रियाको समय सकिएको छ । धनुषामा ३ लाख ८९ हजार ३ सय ९१ मतदाता रहेका छन् । मतदान भएको मतको वास्तविक तथ्यांक केही समयपछि सार्वजनिक गरिने उहाँले बताउनुभयो ।