कति घट्यो सुनचाँदीको मूल्य ?

विराटनगर । आज पनि सुनको मूल्य घटेको छ । हिजो तोलामा सात सय रुपैयाँले घटेको सुन आज एक हजार सात सय रुपैयाँले घटेको हो । नेपाल सुनचाँदी व्यवसायी महासङ्घका अनुसार आज सुन तोलामा एक लाख ४९ हजार रुपैयाँमा कारोबार भइरहेको छ ।

हिजो सुन तोलामा एक लाख ५० हजार सात सय रुपैयाँमा कारोबार भएको थियो । मङ्गलबार तोलामा दुई सय रुपैयाँले बढेको सुन एक लाख ५१ हजार चार सय रुपैयाँमा कारोबार भएको थियो ।

Advertisement

आज चाँदीको मूल्य पनि घटेको छ । हिजो तोलामा एक हजार आठ सय ३५ रुपैयाँमा कारोबार भएको चाँदी आज एक हजार सात सय ८० रुपैयाँमा कारोबार भइरहेको छ ।

चाँदी हिजोको भन्दा ५५ रुपैयाँ सस्तिएको हो । मङ्गलबार चाँदी एक हजार आठ सय ४० रुपैयाँमा कारोबार भएको थियो ।