सुनचाँदीको मूल्य घट्यो, कतिमा हुँदैछ किनबेच ?

विराटनगर । आज सुनचाँदीको मूल्य घटेको छ । हिजो तोलामा दुई सय रुपैयाँले बढेको सुनको मूल्य आज तोलामा सात सय रुपैयाँले घटेको हो ।

नृपाल सुनचाँदी व्यवसायी महासङ्घका अनुसार आज सुन तोलामा एक लाख ५० हजार सात सय रुपैयाँमा कारोबार भइरहेको छ । हिजो सुनको मूल्य तोलामा दुई सय रुपैयाँ बढेर तोलामा एक लाख ५१ हजार चार सय रुपैयाँमा कारोबार भएको थियो ।

Advertisement

आज चाँदीको मूल्य पनि घटेको छ । हिजो तोलामा एक हजार आठ सय ४० रुपैयाँमा कारोबार भएको चाँदी आज तोलामा पाँच रुपैयाँले घटेको हो । आज चाँदी तोलामा एक हजार आठ सय ३५ रुपैयाँमा कारोबार भइरहेको छ ।