धनकुटा, २२ भदौ । १४ औं निजामती सेवा दिवसको अवसरमा बिहिबार धनकुटामा आयोजित रक्तदान कार्यक्रममा ४७ जनाले रगतदान गरेका छन ।
नेपाल निजामती कर्मचारी संगठन धनकुटाले जिल्ला अस्पतालमा रक्तदान कार्यक्रम आयोजना गरेको हो । रक्तदान कार्यक्रममा निजामती कर्मचारीसहित अन्य ब्यक्तिले पनि रगतदान गरेका थिए ।
Advertisement
रक्तदान अघि धनकुटा बजारमा प्रभातफेरी निकालिएको थियो ।
भीमनारायण चौकबाट सुरु भएको प्रभातफेरी मदनचौकमा पुगेर समापन भएपछि रक्तदान कार्यक्रम गरिएको हो ।
निजामती दिवसमा विद्यार्थीलाई पोसाक र पुरस्कार
निजामती सेवा दिवसको अवसर पारेर नेपाल निजामती कर्मचारी सगठनले धनकुटाका बहिरा तथा सुस्तश्रवण बिद्यार्थीलाई पोसाक र उत्कृष्ठ बिद्यार्थीलाई पुरस्कृत गरेको छ ।
छारागाउँ स्थित मार्गेश्वरी बिद्यालयका करिव २० जना बहिरा तथा सुस्तश्रवण बिद्यार्थीलाई बिद्यालय पोसाक प्रदान गरिएको हो ।
त्यस्तै चुलिवन स्थित निजामती आवासिय विद्यालयका उत्कृष्ठ आठ जना विद्यार्थीलाई पुरस्कृत गरिएको नेपाल निजामती कर्मचारी संगठनका जिल्ला अध्यक्ष लावण्य प्रसाद पोख्रेलले जानकारी दिएका छन ।
