संखुवासभा । संखुवासभाको चैनपुर नगरपालिका-६ स्थित जिरोप्वाइन्ट आज बसको ढोकाबाट खस्दा सहचालकको मृत्यु भएको छ । चैनपुर-नुनढाकी भित्री सडकमा बसबाट खस्दा सोही बसका सहचालक धनकुटा नगरपालिका-६ पात्लेखोलाका ३० वर्षीय मनोज खड्काको मृत्यु भएको हो ।
Advertisement
नुनढाकीबाट इटहरीतर्फ जाँदै गरेको को १ ख ३०७७ नम्बरको बसको ढोकाबाट खड्का खसेका थिए । सोही बसको पछाडिको चक्काले किच्दा खड्का गम्भीर घाइते भए । उपचारका लागि लैजाने क्रममा उनको मृत्यु भएको प्रहरीले जनाएको छ ।
घटनापछि बस र चालक धनकुटाको साँगुरीगढी गाउँपालिका-१ का ३३ वर्षीय कुमार उपाध्यायलाई इलाका प्रहरी कार्यालय चैनपुरले नियन्त्रणमा लिएको छ ।
