धनकुटा । प्रजातन्त्र दिवसको अवसर पारेर आज धनकुटामा रक्तदान कार्यक्रम गरिएको छ । धनकुटा लेडी लेसिजले मदनचोकमा रक्तदान कार्यक्रम गरेको हो ।
Advertisement
नेपाल रेडक्रस सोसाइटी धरानले प्राविधिक सहयोग गरेको रक्तदान कार्यक्रममा ३६ पाउण्ड रगत संकलन भएको आयोजक धनकुटा लेडी जेसिजका अध्यक्ष मुना पोख्रेलले जानकारी दिइन् ।
कार्यक्रममा विभिन्न सङ्घसंस्थाका प्रतिनिधि, नेपाल प्रहरी, सशस्त्र प्रहरी, नेपाली सेना, स्थानीयवासी लगायतले रक्तदान गरेका थिए ।
व्यक्तित्व विकास र सामाजिक काम गर्दै आएको लेडी जेसिजले यसअघि फरक क्षमता भएका विद्यार्थीहरूलाई न्यानो कपडा र खाद्यान्न प्रदान गरेको थियो ।
