काठमाडौं । इलामका बिनोद राईले भ्वाइस अफ नेपाल सिजन ५ को उपाधि जितेका छन् । कोच मिलन नेवार समूहको प्रतिनिधित्व गर्ने राईले ललितपुरको गोदावरीमा शुक्रबार राती भएको ग्राण्ड फिनालेमा उपाधि जितेका हुन् ।
Advertisement
चार फाइनलिस्टबीच भएको कडा प्रतिस्पर्धामा दर्शकको सर्वाधिक भोटका आधारमा बिनोदले उपाधि जितेका हुन् । उपाधिसँगै बिनोदले २० लाख नगद पुरस्कार पाएका छन् ।
मकरबहादुर योन्जन फस्ट रनरअप बने । कुमार प्रयास राई सेकेण्ड रनरअप भए भने नोगेन लिम्बु थर्ड रनरअप बनेका छन् ।
फिनालेमा कोच मिलन नेवार, उदय सोताङ, प्रमोद खरेल र राजेशपायल राईले आफ्नो टीमका फाइनलिस्टसँगै प्रस्तुति दिएका थिए ।
