![](https://sangalokhabar.com/wp-content/uploads/2024/01/jitpur-accident-2.jpg)
धनकुटा । धनकुटाको महालक्ष्मी नगरपालिका-७ स्थित जितपुरमा यात्रुबाहक बस दुर्घटना भएको छ । धरानबाट महालक्ष्मी–६ बासपानी जादै गरेको को १ ख ७१७७ नम्बरको बस शुक्रबार साँझ करिब ५ बजे जितपुर बजार नजिक दुर्घटना भएको हो ।
दुर्घटनामा परी बासपानीकी विनिता तामाङ घाइते भएकी छन् । उनको हात भाँचिएको छ । जितपुरमा प्राथमिक उपचार गरी उनलाई थप उपचारका लागि धरान पठाइएको जितपुरका स्थानीय लोक श्रेष्ठले जानकारी दिए ।
उनका अनुसार गुडिरहेका बेला ‘पत्ती’ भाँचिएपछि घुम्ती मोडिन नसकेर बस सडक छोडेर तल्तिर गएको छ । ढिस्कोमा ठोक्किएकाले बस डिलमुनी खस्नबाट जोगिएको छ ।