विराटनगर । महिलाहरूलाई आफ्नो रक्षा आफै गर्न सक्ने बनाउँन विराटनगरमा ‘सेल्फ डिफेन्स’ तालिम प्रदान गरिएको छ । कोशी प्रदेश खेलकुद विकास बोर्डले महिलाहरूका लागि दुई दिने आत्मरक्षा तालिम प्रदान गरेको हो ।
Advertisement
घरेलु हिंसा, साथीभाइबाट हुने हिंसा, सहकर्मीबाट हुने हिंसा, शिक्षक वा गुरुबाट हुने हिंसा लगायतको पहिचान गरी कसरी आफूलाई बचाउ गर्ने भन्ने विषयमा प्रशिक्षण दिइएको थियो । आफू हिंसामा परे कसरी आफ्नो आत्मरक्षा गर्ने भन्ने विषयमा जानकारी गराएर उनीहरूलाई प्रयोगात्मक अभ्यास पनि गराइएको छ ।
तालिममा सुनसरी र मोरङका विद्यालयका कक्षा ९ र १० मा अध्ययनरत १ सय ५० भन्दा बढी छात्राहरू सहभागि थिए । काठमाडौं र प्रदेशका ५ जना प्रशिक्षकले उनीहरूलाई प्रशिक्षण दिएका हुन् ।
