धनकुटा । धनकुटा नगरपालिका–६, विचबजारस्थित निशान भगवती मन्दिरमा आज मौलो पुजा गरिएको छ । चैत्र शुक्ल अष्टमी, चैते दशैँको अवसर पारेर मौलो पुजा गरिएको हो ।
Advertisement
निशान भगवती मन्दिरभित्र नेपाली सेनाको तिन वटा पल्टन जङ्गी निशान गण, श्रीजंग गण र इन्द्रध्वोज गणको निशान छन् । मन्दिरभित्रबाट डोलीमा निशान बोकेर मन्दिरको प्राङ्गणमा ल्याई पुजा गरिएको हो ।
पूजामा राँगा, बोका र कुभिन्डोको बलि दिइएको छ । पूजामा प्रशासक, राजनीतिकर्मी, सञ्चारकर्मी, स्थानीयवासी लगायत सहभागि थिए ।
उक्त कार्यक्रममा नेपाली सेनाले तोप सलामी पनि दिएको छ । निशान मन्दिरमा चैते दशैँको अवसरमा हरेक वर्ष मौलो पुजा गर्ने गरिएको मन्दिर व्यवस्थापन समितिका संरक्षक जनार्दन घिमिरेले जानकारी दिए ।
तस्वीर: सन्तोष सुवेदी/संंगालोखबर
