मोरङ । मोरङको कटहरी गाउँपालिका–७ तकिया रोडस्थित भित्री सडक खण्डमा आज टिपरको ठक्करबाट मोटरसाइकल चालकको मृत्यु भएको छ ।
उत्तरबाट दक्षिणतर्फ जादै गरेको प्रदेश १–०२–००१ क ३८९ नम्बरको टिपरले विपरित दिशाबाट आँउदै गरेको को २२ प ७८२३ नम्बरको मोटरसाइकललाई बिहान करिब ११ बजे ठक्कर दिएको हो ।
Advertisement
ठक्करबाट मोटरसाइकल चालक ग्रामथान गाउँपालिका–६ का ३३ वर्षीय पप्पु सहनीको घटनास्थलमै मृत्यु भएको जिल्ला प्रहरी कार्यालय मोरङले जनाएको छ ।
ठक्कर दिने टिपर र चालक काभ्रेको पाँचखान नगरपालिका–६ का ५९ वर्षीय श्याम बहादुर मगरलाई प्रहरीले नियन्त्रणमा लिएको छ ।
