भोजपुर । चट्याङ लागेर भोजपुरमा एक बालकको मृत्यु भएको छ । एक जना घाइते छन् । वर्षा र हावाहुरीसँगै परेको चट्याङले लागेर षडानन्द नगरपालिका–१२ तिप्लेका १३ वर्षीय सरोज भुजेलको मृत्यु भएको हो ।
विहीवार अपरान्ह करिब ४ बजे हावाहुरी र बर्षासँगै चट्याङ परेको थियो । चट्याङ लागेर गम्भीर घाइते भएका भुजेललाई उपचारका लागि संखुवासभाको लुम्लिङटारस्थित मनकामना हस्पिटल लगिएको थियो ।
Advertisement
अस्पताल पुग्नासाथ डाक्टरले उनलाई मृत घोषित गरेको प्रहरीले जनाएको छ । चट्याङ लागेर स्थानीय २५ वर्षीय प्रदिप भुजेल पनि घाइते भएका छन् ।
