धनकुटा । अखिल नेपाल महिला संघ धनकुटाको अध्यक्षमा तारा तितुङ कटेल निर्वाचित भएकी छन् । संघको सातौँ जिल्ला सम्मेलनले तितुङको अध्यक्षतामा ४६ सदस्यीय नयाँ कार्य समिति चयन गरेको हो ।
समितिको उपाध्यक्षमा निर्मला इवाहाङ र रेखा चेम्जोङ, सचिवमा सावित्रा राई, सहसचिवमा गोमा कार्की र कोषाध्यक्षमा सीता थापा पराजुली चयन भएका छन् । संघको दुई दिने जिल्ला सम्मेलन सोमबारबाट सुरु भएको थियो ।
Advertisement
उद्घाटन सत्र सकेर सुरु भएको बन्दसत्रले सर्वसम्मत रुपमा नयाँ कार्य समिति चयन गरेको एमाले धनकुटाका उपसचिव एवं जनसंगठन विभाग प्रमुख शिव आङ्लाले जानकारी दिए ।
