सुनसरी । भन्सार छलेर ल्याइएको चार लाख भन्दा बढी मूल्यको कपडा सुनसरीबाट प्रहरीले नियन्त्रणमा लिएको छ । सुनसरीको रामधुनी–४ स्थित भित्री सडक खण्डबाट ७ सय ८४ पिस कुर्था सुरुवालको कपडा नियन्त्रणमा लिइएको हो ।
Advertisement
इलाका प्रहरी कार्यालय पकली र सिंघिया प्रहरी चौकीबाट खटिएको प्रहरी टोलीले कपडा बरामद गरेको हो । सो कपडाको मूल्य ४ लाख ३४ हजार बराबर हुन आउँने प्रहरीको अनुमान छ ।
भन्सार छलेर ल्याएको हुनाले सो कपडा सेतुबन्ध भन्सार कार्यालय सुनसरीमा बुझाइएको जिल्ला प्रहरी कार्यालय सुनसरीले जनाएको छ ।
