धनकुटा, ६ भदौ । कला सस्कृतिको जर्गेना गर्ने उद्धेश्यले आयोजित ‘पूर्वाञ्चल गट ट्यालेन्ट’ को दोस्रो चरणबाट २८ जना छनौट भएका छन । धनकुटाको सामुदायिक भवनमा भएको दोस्रो चरणको पहिलो अडिसन पार गर्दै नृत्य, गायन र अभिनय बिधाका प्रतियोगिहरु तेस्रो चरणका लागि छनौट भएका हुन ।
अडिसनमा गायन, नृत्य, अभियान लगायत बिधाका ८३ जना सहभागि थिए । उत्कृष्ठ प्रतियोगि छनौटका लागि सुरेन्द्र महते, सुर्य वालिङ, सरोज भुजेल र कुमार अनुरागी निर्णायकको भूमिकामा थिए ।
Advertisement
अव भदौ १० गते हुँने दोस्रो चरणको दोस्रो अडिसनबाट ४७ जना छनौट गरिने प्रतियोगिताका संयोजक सुमन योगीले संगालोखबरलाई जानकारी दिए ।
उनका अनुसार दोस्रो चरणको पहिलो र दोस्रो अडिसनबाट ७५ जना छनौट भई तेस्रो चरणमा प्रवेश गर्नेछन । टिन्स क्रियू डान्स सेन्टर धनकुटाको आयोजनामा साउन ५ गतेबाट सुरु भएको ‘पूर्वाञ्चल गट ट्यालेन्ट’ को पाँचौ चरण पार गरेपछि मंसिर २३ गते ‘फाईनल’ हुँदैछ ।
यसअघि पहिलो चरणमा धनकुटा बजार, झापाको विर्तामोड, सुनसरीको इटहरी, संखुवासभाको खादवारी, तेह्रथुमको बसन्तपुर र भोजपुरमा अडिसन भएको थियो ।
६ वटै जिल्लामा भएको पहिलो चरणको अडिसनबाट २ सय १५ जना छनौट भई दोस्रो चरणमा प्रवेश गरेका थिए । ‘पूर्वाञ्चल गट ट्यालेन्ट’ जित्नेले १ लाख नगद पाउँने प्रतियोगिताका संयोजक योगीले बताएका छन । संगालोखबर पनि ‘पूर्वाञ्चल गट ट्यालेन्ट’ को अफिसियल मिडियाको रुपमा रहेको छ ।
