विराटनगर । मोरङको सुन्दरहरैंचामा अर्काको नाममा ट्रायल दिने र दिन लगाउने दुई जना पक्राउ परेका छन् । पक्राउ पर्नेमा सुनसरीको भोग्राहा गाउँपालिका–७ का ३३ वर्षीय षडानन्द महतो र २५ वर्षीय रामचन्द्र यादव छन् ।
सुन्दरहरैंचा नगरपालिका–५ बाँसबारीस्थित यातायातको ट्रायल सेन्टरमा अर्काको नाममा ट्रायल दिने र ट्रायल दिन लगाउने दुबैलाई प्रहरीले सोमबार दिउँसो पक्राउ गरेको हो । षडानन्द महतोको नाममा यादवले मोटरसाइकलको ट्रायल दिँदै थिए ।
Advertisement
सोही क्रममा प्रहरी चौकी गछियाबाट खटिएको टोलीले उनीहरूलाई प्र.१–०२–०४५ प ९४३ नम्बरको मोटरसाइकलसहित पक्राउ गरेको हो ।
