सुनसरी । सुनसरीको कोशी गाउँपालिका–८ स्थित पूर्व पश्चित राजमार्गमा भारतीय मोटरसाइकलको ठक्करबाट एक जना पैदल यात्रीको मृत्यु भएको छ । मृत्यु हुनेमा स्थानीय ५९ वर्षीया सीतादेवी मुखिया छिन् ।
शनिवार अपरान्ह्र ४ बजे पश्चिमबाट पूर्वतर्फ जाँदै गरेको वीआर ३२ एएच ६२४४ नम्बरको भारतीय मोटरसाइकलले सीतादेवीलाई ठक्कर दिएको थियो । मोटरसाइकलको ठक्करबाट घाइते भएकी मुखियालाई उपचारका लागि विराटनगरस्थित न्युरो अस्पताल लगिएको थियो । उपचारकै क्रममा उनको मृत्यु भएको जिल्ला प्रहरी कार्यालय सुनसरीले जनाएको छ ।
Advertisement
मोटरसाइकल चालक भारतको मधुवनि गाउँपालिका–२६ का २२ वर्षीय अनिल कुमारलाई प्रहरीले नियन्त्रणमा लिएको छ ।
