संगालोखबर सम्वाददाता 
झापा । झापाको कमल गाउँपालिका–५ मा यात्रुबाहक बसको ठक्करबाट मोटरसाइकलमा सवार एक जना महिलाको मृत्यु भएको छ ।
पूर्वबाट पश्चिमतर्फ जाँदै गरेको बा ५ ख ४८१३ नम्बरको बसले को ३२ प ८५६ नम्बरको मोटरसाइकललाई पछाडिबाट ठक्कर दिएको थियो । बसको ठक्करबाट मोटरसाइकलमा पछाडि सवार मोरङको बेलबारी नगरपालिका–८ की ५८ वर्षीया तुलसादेवी गुरुङको घटनास्थलमै मृत्यु भएको हो ।
Advertisement
मोटरसाइकल चालक बेलबारी–१० का ५८ वर्षीय शुक्रबहादुर तामाङ सकुशल रहेको जिल्ला प्रहरी कार्यालय झापाले जनाएको छ । बस चालक भोजपुरको अरूण गाउँपालिका–५ का ३० वर्षीय बल राईलाई प्रहरीले नियन्त्रणमा लिएको छ ।
